III UZI skriningi (30–32 hafta)+Doppler

III trimestr UZI-skrining (30–32 hafta) — homila rivojlanishini, uning ichki a'zolari, yo‘ldosh va qorin suvi holatini batafsil baholash hamda homiladorlikning uchinchi trimestrdagi kechishini nazorat qilish uchun o‘tkaziladigan ultratovush tekshiruvi. Tekshiruv dopplerografiyani ham o‘z ichiga oladi — bachadon, yo‘ldosh va kindik tomirlaridagi qon oqimini baholash orqali homila yetarlicha kislorod va oziq moddalar olayotganini tekshirish, gipoksiya yoki yo‘ldosh qon aylanishidagi buzilishlar belgilarini o‘z vaqtida aniqlash imkonini beradi. Tekshiruv davomida homilaning o‘sishi va vazni, tug‘ruq oldidan joylashuvi (bosh yoki dumba bilan kelishi), yo‘ldoshning yetilganligi va joylashuvi, qorin suvi miqdori hamda kindik o‘ralishi baholanadi. III trimestr skriningi homiladorlikni kuzatish standartiga kiradi va tug‘ruqqa tayyorgarlik ko‘rish hamda xavfsiz tug‘ruq taktikasini tanlashga yordam beradi.